E foyeto aki ta yuda bo prepará pa e kòmbersashon ku e adulto ku ta bai tuma e desishon ofer di bo.
Den e foyeto bo ta haña informashon den kua ta splika dikon ta importante pa bo duna bo opinion. Tambe nos ta yuda bo prepará pa un kòmbersashon. Entre otro nos a skirbi algun pregunta di ehèmpel. Bo por kontestá nan i bai ku bo kontestanan e dia di e kòmbersashon. Na final di un kòmbersashon ta importante pa wak kon a bai. Ku guia di nos chèklist bo por determiná si bo por a bisa tur kos ku bo ta sinti ta importante pa bo.
Bo ke sa kiko tur bo tin derecho riba dje? Konsultá nos página tokante di derecho di mucha.
Bo no sa presis kiko nos ke men ora nos ta papia di desishonnan tokante di bo bida? Aki bou nos a skirbi algun ehèmpel.
Importante na momentu di tuma desishon
Esakinan ta ehèmpelnan di desishonnan ku ta tuma tokante di bo:
- Bo mayornan ta bai separá i ta disidí serka ken i unda bo ta bai biba.
- No ta bayendo bon ku bo, i bo mester di kuido (médiko) òf yudansa.
- No ta seif na bo kas, i ta disidí si bo mester bai biba den pleeggezin, gezinshuis òf grupo.
- Bo a kometé un echo kastigabel i ta disidí ki sorto di kastigu bo ta haña.
- Bo mester kambia skol i ta disidí kua skol ta pas ku bo.
- Bo ta refugiado i ta disidí si bo por keda na Hulanda òf no.
Momentunan importante den toma di desishon
Na momentu ku ta tuma un desishon tokante di bo bida, tin hopi kos ku ta pasa. Aki bou, nos ta spliká bo diferente momentu den e proseso.
1
Preparashon pa e kòmbersashon
E adulto ku ta tuma e desishon mester sa mas tantu posibel ofer di bo. P'esei, ta importante pa bo prepará bon. E preguntanan di ehèmpel por yuda bo prepará. Bo ta haña nan riba página 7 i 8 di e foyeto.
Preparashon pa e kòmbersashon
Less information aboutPreparashon pa e kòmbersashon
2
Na final di e kòmbersashon
Na final di e kòmbersashon ta importante ku huntu boso ta wak kon a bai. E kòmbersashon tabata agradabel? E lugá tabata seif? E adulto a komprondé bon kiko ta importante pa abo? Ta kla kiko pa abo ta e mihó desishon?
Nos chèklist 'E mihó desishon pa abo, un chekeo lihé!’ por yuda bo pa kontestá e preguntanan aki. Konsultá e chèklist i yen'é mésora.
Na final di e kòmbersashon
Less information aboutNa final di e kòmbersashon
3
A tuma e desishon
Nan mester spliká bo e desishon. Nan mester konta bo tambe di ki manera nan a tene kuenta ku bo opinion. Tin algu ku bo no ta komprondé? Pidi pa nan bolbe spliká bo. Ta bon pa nan skirbi e desishon riba papel pa bo, pa asina bo por bolbe les'é mas aworó.
Bo no ta di akuerdo ku e desishon, òf bo tin pregunta? Pidi yudansa di un adulto ku bo ta konfia. Òf bo por bai un tienda di lei pa mucha i hóben serka di bo. Tambe bo por tuma kontakto ku Ombudsman pa mucha. Bo por yama grátis entre 12:00 or i 17:00 or riba number 0800 - 876 54 32 òf manda un koreo elektróniko na ombudswerk@kinderombudsman.nl.
A tuma e desishon
Less information aboutA tuma e desishon
Bo no ta logra (huntu)? Òf bo tin mas pregunta?
E ora ei, tuma kontakto ku Ombudsman pa mucha. Gustosamente nos ta pensa huntu ku bo! Bo por yama grátis entre 12:00 or i 17:00 or riba number 0800 - 876 54 32 òf manda un koreo elektróniko na ombudswerk@kinderombudsman.nl.
Foyeto pa profeshonal
Pa profeshonalnan, tin e foyeto ‘4 paso pa yega na e mihó desishon pa e mucha’. E pasonan ta yuda profeshonalnan pa tuma un desishon bon konsiderá. E foyeto tambe ta kontené informashon ku ta yuda nan prepará pa un kòmbersashon ku un mucha.
E chèklist pa mucha tambe ta útil pa profeshonalnan. E chèklist ta konsistí di pregunta ku ta yuda mucha chèk si na momentu di tuma un desishon ta tene sufisiente kuenta ku loke nan ta haña importante. Profeshonalnan por uza e chèklist pa chèk si nan a lubidá algu.
Chèklist: Desishon tokante di mi
Si ta tuma un desishon tokante di bo, ku e preguntanan aki rápidamente bo por chèk si ta tene kuenta ku loke ta importante pa abo. Bo por hasi esaki promé ku ta tuma e desishon, pero tambe si a tuma e desishon kaba. E preguntanan ta pa muchanan i hóbennan manera abo, pero adulto por uza nan tambe.