E Ombudsman pa mucha ta paga tino si organisashonnan ta trata mucha bon: gobernashon, skol, kuido pa hubentut, kuido pa mucha i hospital. Bo por akudi serka Ombudsman pa mucha ku pregunta tokante derecho di mucha òf kehu si un persona no ta atene su mes naderecho di mucha.

Margrite Kalverboer ta e Ombudsman pa mucha. Tweede Kamer a nombra su persona komo Ombudsman pa mucha na aprel 2016. E no ta hasi su trabou susó; e ta traha ku un tim di 12 hende.

Derecho di mucha

Tur mucha i hoben tin derecho. E derechonan aki ta pará den e Tratado di Derecho di Mucha. Den e tratado aki di Nashonnan Uní tin akuerdo kon paisnan mester trata mucha i hóben i riba kiko mucha i hóben tin derecho.

E derechonan aki ta trata tur kos ku kual mucha i hóben tin di atende, desde nan nasementu te ku nan diesocho aña. E ta bay tokante skol, biba, salú, kreensha, mayor i amigunan. Pero tambe ta trata di abuso di mucha, trabou di mucha, guera i divorsio di mayor. E derechonan aki ta konta den kasi tur pais na mundu, por lo tanto tambe na Boneiru, Sint Eustatius i Saba.

 

Mas informashon i kontakto

Bo tin un kehu? Wak anto riba e wèpsait si bo por presentá esaki na Ombudsman pa mucha. Tambe pa mas informashon tokante Ombudsman pa mucha i e derechonan di mucha bo por akudi na nos wèpsait. Bo por tuma kontakto semper ku nos tambe. Akibou tin bou otro, kon bo por yega na nos:

  • E-mailombudswerk@kinderombudsman.nl
  • Telefón: +31 70 8506 995. Tur dia di trabou te 06.00 -11.00 uur (bo ora lokal). Si bo ta desea di komunika kunos via telefón, bo por manda un e-mail tambe ku bo number di telefón. Anto nos ta debolbe bo yamada.
  • Via post: de Kinderombudsman, Postbus 93122, 2509 AC Den Haag, Nederland

TOOLKIT E MIHÓ DESISHON

Bo ta tuma desishon importante pa un mucha?

Sea ku ta trata di saka e mucha for di su kas pa e bai biba otro kaminda, seramentu di un mucha den un sèl di polis, òf e eskoho di skol pa un mucha outista: tur e desishonnan aki tin influensha riba e futuro di un mucha. E toolkit aki ta pa tur hende ku profeshonalmente ta tuma desishon tokante di mucha òf hóben. Pasobra serka kada desishon ta bo responsabilidat pa sa ku ken bo ta trata i pa investigá e interesnan di e mucha. E toolkit aki ta yuda kada trahadó profeshonal pa pone e interes di mucha na promé lugá.

PAGINA PA START TOOLKIT E MIHÓ DESISHON – PA TRAHADÓ PROFESHONAL

Desishon tokante bo? Haña sa riba kiko bo tin derecho!

Ta tuma un desishon importante tokante bo?

Tin biaha adulto ta tuma desishon importante tokante bo. Por ehèmpel bo dosente, polis òf un ousiliante. Pensa riba un desishon tokante unda bo ta bai biba, kua ayudo bo ta haña i kua skol bo ta bai. E Ombudsman pa mucha gustosamente ke pa skucha loke bo tin di bisa. Pasobra bo tin e derecho di duna bo opinion ora di desishonnan importante tokante bo bida. Ombudsman di mucha ta yuda bo riba kaminda ku algun tool práktiko!

PAGINA PA START TOOLKIT E MIHÓ DESISHON – PA MUCHA